Gedichtesammlung "Mei Weakzeigkistn", € 5,90

Da Goweschlissl

Da Goweschlissl is a Ding,
i hob dahoam oan umma liegn.
Nua wos i mid eam mocha soi,
do denk i noch, vau Foi zu Foi.

Ma kau mid eam ned spian,
ned Tore, a ned Tian.
Ois Gowe, zum fein Essn,
kaust na a vagessn.

Bis endle daun gekläat,
wofia dea wiakle kead,
hoben zum Weakzeig dau,
ziag mid eam Schraufm au.


De Feu

De Feu, de liegt so umanaund,
gaunz sötn nimm is in de Haund.

Drum hoaßts aso, wia is grod nenn,
weules vaum ummaliegn nua kenn.

Wiad ia des liegn auf oamoi fad,
so hods a Heft dafia parat.

Zum Zeitvatreib a Heft aus Hoiz,
mia gabats nix, owa ia gfoids.

Gedichtesammlung „Mei Weakzeigkistn“, Eigenverlag